Konsumimi I tepërt I sheqerit, teknikisht nuk shkakton prishje të dhëmbëve, shkaku I vërtetë është sa kohë qëndron sheqeri në gojën tuaj.

Sheqernat bëjnë që bakteret të prodhojne acide që ngadalë hanë smaltin e dhëmbëve tuaj, duke I bërë ata me të ndjeshëm ndaj kaviteteve .

Mineralet që gjenden në pështymën tuaj, përvec larjes dhe pastrimit të dhëmbeve me fill, mund të ndihmojnë në riparimin e smaltit të konsumuar nga bakteret e dëmshme, duke forcuar dhëmbët tuaj

Parodontopatia karakterizohet si inflamacion destruktiv i strukturës mbështetëse (mbajtëse) të dhëmbit. Struktura mbështetëse e dhëmbit përbëhet nga gingiva, cementi i dhëmbit si dhe kocka alveolare, e ashtuquajtur parodonciumi.

Shkaku kryesor për paraqitjen e parodontopatisë është shtresa e butë dhe e verdhë e dhëmbëve në të cilën shumohen bakteret nga mbetjet ushqimore. Kjo shtresë së pari formohet rreth qafës së dhëmbit dhe në fisurat e dhëmbit dhe nëse nuk pastrohet me kohë do ta mbuloje tërë sipërfaqen e dhëmbit dhe do të shndërohet në gurë të dhëmbit.

Parodontopatia është një ndër sëmundjet më të zakonshme orale. Studime epidemiologjike nga shumë shtete të botës dëshmojnë që afër 10 deri 15% tek të rriturit vuajnë nga sëmundja e parodontopatisë. Kjo shifër mund të krahasohet me sëmundje të tjera popullore, siç janë, diabeti dhe artriti reumatoid.

SIMPTOMAT E SËMUNDJES SË PARADONTOPATISË

Shumica e sëmundjeve paradontale janë sëmundje infektive kronike dhe pa arritur në faza të larta nuk japin dhimbje.

Parodontopatia konsiderohet si sëmundje kronike e cila mund të shpie deri tek humbja e dhëmbëve.

Kjo sëmundje orale mund zgjasë një kohë të gjatë dhe pacienti të mos jetë i vetëdijshëm.

Zbulimi i hershëm i sëmundjes si dhe shërimi profesional i saj, shpesh herë ka prognozë të mirë pasi që intervenimi në fazën e hershme mund ta parandalojë progresin agresiv të sëmundjes.

Karakterizohet me këto shenja dhe simptoma:

• gjakderdhja dhe skuqja e gingivës;
• prezenca e gurit të dhëmbëve;
• aromë e pakëndshme e gojës;
• prezenca e xhepit parodontal;
• tërheqja e gingivës;
• zhveshja e qafës së dhëmbit, dhe në raste ekstreme rënia e dhëmbit.

Që mos të arrihet deri te ndryshimet e lartëpërmendura, përveç ushqimit të rregullt dhe pastrimi I rregullt I dhëmbëve është e nevojshme edhe vizita te stomatologu (minimum 2 herë në vit) ku do të largohen shtresat e forta të dhëmbëve .

SHKAKTARËT QE SHKAKTOJNË PARADONTOPATINË

Ka faktorë të ndryshëm të cilët kanë rol të rëndësishëm në sëmundjen e parodontopatisë. Dihet se bakteret janë faktorë të rëndësishëm, mirëpo, jo gjithmonë, ky faktor është i mjaftueshëm për ta zhvilluar parodontopatinë. Studimet tregojnë që tek 20% të individëve që kishin sëmundjen e parodontopatisë, shkaktarë janë bakteret, ndërsa faktorë të tjerë ishin:

• Pirja e duhanit
• Shtatzania dhe puberteti
• Stresi
• Medikamentet
• Kërcitja e dhëmbëve
• Diabeti
• Ushqimi i dobët dhe jo I larmishëm

Duhet të kemi parasysh se kjo sëmundje nuk duhet të injorohet dhe dentisti mban përgjegjësinë për ta zbuluar në kohë, dhe të informojë pacientin me masat parandaluese.

Cfarë problemesh mund të zgjidhen me faseta?

Fasetat dentare quhen ndryshe dhe “ortodoncia e shpejtë ” sepse ato mund të mbulojnë nje sër problemesh dentare në zonën frontale:

- Hapësira midis dhëmbëve frontal
- Dhëmb me formë jo shumë estetike
- Dhëmbët frontal të thyer ne buzën prerës
- Dhëmb që kanë ndryshuar ngjyrën në sipërfaqe ose brendësi(dhëmbët devital )
- Dhëmb me mbushje jo estetike

Fasetat (Veneers )mund të rregullojnë formën dhe estetikën e jashtme të dhëmbit por nuk mund të rregullojnë kafshimin apo problemet në nofulla.Në të tilla raste trajtimi ortodontik është zgjidhja .

Llojet e fasetave?

Fasetat dentare mund të jenë prej kompoziti ose porcelani.Fasetat e kompozitit ,bëhen në klinikë nga mjeku ,me ndihmën e kompozitit në ngjyrën e dhëmbit.Ndërsa fasetat e porcelanit krahas punës në klinikë kerkojnë dhe një etapë laboratorike për përgatitjen e tyre.

Dhëmbët janë si ajsberg

Përafërsisht 1/3 e secilit dhëmb është e vendosur poshtë mishit të dhëmbëve.Kjo është arsyeja pse ruajtja e shëndetit të mishit të dhëmbëve është po aq e rëndësishme sa kujdesi për dhëmbët

Smalti është pjesa më e veshtirë e trupit tuaj

Smalti është shtresa e jashtme e dhëmbit. Ashtu si një guaskë e fortë, qëllimi I tij kryesor është të mbrojë pjesën tjetër të dhëmbit.Smalti është bërë kryesisht nga kalciumi dhe fosfati, si kockat tona, por është më I fortë për shkak të proteinave specifike dhe kristaliteve që e përbëjnë atë

Pllaka është armiku juaj

Nëse nuk e hiqni rregullisht duke larë dhe duke pastruar dhëmbët, pllaka mund të shkaktojë prishjen e dhëmbëve. Pa heqje, pllaka ngurtësohet dhe zhvillohet në gur, të cilin duhet ta pastroni rregullisht te dentist

Ju prodhoni 10’000 Lt pështymë

Pështyma luan një rol të rëndësishëm në shëndetin tuaj. Lehtëson gëlltitjen e ushqimit dhe përmban enzima që përshpejtojnë tretjen. Sa për dhëmbët, pështyma lan grimcat e mbajtura të ushqimit dhe përmban calcium dhe fosfat që neutralizojnë acided e pllakave që shkaktojnë dëmtime dhe prishje